მუხლი 1: ხელშეკრულების მხარეები

1.1. უცხო ენის სასწავლო ცენტრი სფიქაფი – შემდგომში „მომსახურების გამწევი“

1.2. მოსწავლის სახელი, გვარი (ორგანიზაცია) – შემდგომში „მომსახურების მიმღები“

1.3. მომსახურების გამწევი და მომსახურების მიმღები შემდგომში როგორც – “მხარეები”

მუხლი 2: ხელშეკრულების საგანი

2.1 მომსახურების გამწევი პერიოდულად მომსახურების მიმღებს მოთხოვნის შესაბამისად უწევს მომსახურებას, ხოლო მომსახურების მიმღები იღებს მომსახურებას და იხდის მის ღირებულებას ამ ხელშეკრულებით გათვალისწინებული პირობებით.

2.2 ამ ხელშეკრულებაში მომსახურებას წარმოადგენს მომსახურების მიმღების მიერ მოთხოვნილი უცხო ენის სასწავლო კურსი(ებ)ი, რომლის ჩამონათვალი და ღირებულება მოცემულია ამავე ხელშეკრულებაზე თანდართულ ინვოისში (დანართი #1).

2.3 მხარეები თანხმდებიან მომსახურების მიღების შემდეგ გრაფიკზე, რომელიც განისაზღვრება წინასწარი შეთანხმებით.

მუხლი 3: მომსახურების მიწოდების ვადა და ადგილი

3.1 მომსახურების გაწევის ადგილი: ქ. თბილისი, დიღმის მასივი, კვრტ. 5, კორპ. 1ა ან გაკვეთილები ჩატარდება ონლაინ.

3.2 მომსახურების მიწოდების ვადა განისაზღვრება ინდივიდუალურად – ინვოისში მითითებული კურსის ხანგრძლივობის მიხედვით, რომელზეც მხარეები თანხმდებიან წინასწარ.

3.3 მომსახურების დასაწყისად ითვლება ინვოისში მითითებული კურსის დაწყების თარიღი.

მუხლი 4: მხარეთა უფლება მოვალეობანი

4.1 მომსახურების გამწევი ვალდებულია ჩაუტაროს მომსახურების მიმღებს ინვოისში (დანართი #1) მითითებული კურსი წინამდებარე ხელშეკრულების პირობებით, დადგენილ ვადებსა და ფასში.

4.2 მომსახურების გამწევის ვალდებულება მომსახურების გაცემის თაობაზე ითვლება შესრულებულად, ინვოისში მითითებული სრული კურსის ჩატარების შემდეგ, ამავე ინვოისში მითითებული თარიღის შესაბამისად.

4.3 მომსახურების მიწოდებასთან ერთად, მომსახურების გამწევი – მომსახურების მიმღებს გადასცემს სწავლისთვის აუცილებელ ყველა საჭირო მასალას.

4.4 მომსახურების მიმღებს უფლება აქვს მოსთხოვოს მომსახურების გამწევს გაცდენილი საათების ანაზღაურება გონივრულ ვადაში (არაუგვიანეს 14 კალენდარული დღისა), თუ ეს გამოწვეულია მომსახურების გამწევის მიზეზით. წინააღმდეგ შემთხვევაში, დანართი 1/ინვოისით დადგენილი გადასახდელი თანხის შესაბამისად კორექცია.

4.5 მხარეები თანხმდებიან, რომ მომსახურების გამწევის მიზეზის გამო გაცდენილი საათების ანაზღაურება მოხდეს ერთობლივად შეთანხმებული განრიგით. გაცდენილი საათების ანაზღაურების ადგილად განისაზღვრება ამავე ხელშეკრულების 3.1 პუნქტით განსაზღვრული მისამართი, ან/და ონლაინ სესია.

4.6 მომსახურების გამწევი იტოვებს უფლებას, სასწავლო პროცესში გადაღებული ფოტო-ვიდეო მასალა გამოიყენოს მისივე სოციალურ ქსელებში, სარეკლამო მიზნებისთვის.

მუხლი 5: მომსახურების ღირებულება და ანგარიშწორების წესი

5.1 მომსახურების მიმღები ვალდებულია მომსახურების ღირებულება გადაიხადოს საბანკო გადარიცხვით, ხელშეკრულებით განსაზღვრული გადახდის განრიგის შესაბამისად.

5.2 მომსახურების ფასი განისაზღვრება ყოველი კონკრეტული კურსის არჩევის შესაბამისად და მითითებულია დანართი №1‑ში (ინვოისში).

5.3 კურსის სრული ღირებულების 50% უნდა გადაიხადოს კურსის დაწყებამდე არაუგვიანეს 1 დღით ადრე, ხოლო დარჩენილი 50% — ხელშეკრულების დადებიდან 1 თვის ვადაში.

5.4 გრძელვადიანი კურსის (5 თვიდან ზემოთ) შემთხვევაში, მხარეებს შეუძლიათ შეთანხმდნენ გადახდის განსხვავებულ განრიგზე. გადახდის ვალდებულების დარღვევის შემთხვევაში, მომსახურების მიმღებს დაეკისრება საურავი ყოველი გადაცილებული დღისთვის 0.5% ოდენობით, დარჩენილი გადასახდელი თანხიდან.

5.5 გადახდის განრიგის დარღვევის შემთხვევაში, მომსახურების მიმწევს აქვს უფლება შეწყვიტოს მომსახურების გაწევა და ცალმხრივად გააუქმოს ხელშეკრულება. ამასთან, მომსახურების მიმწევს არ ეკისრება ვალდებულება მომსახურების გაგრძელების ან დამატებითი კომპენსაციის გაწევის შესახებ.

მუხლი 6: განსაკუთრებული პირობები

6.1 მომსახურების გამწევი უფლებამოსილია მომსახურების მიმღებს არ აუნაზღაუროს გაცდენილი საათები, თუ მომსახურების მიმღები საკუთარი სურვილით არ გამოცხადდება გრაფიკით განსაზღვრულ, გეგმიურ გაკვეთილზე.

6.2 მომსახურების მიმღების მიზეზით გაცდენილი საათები, ან/და სასწავლო კურსის დასრულებამდე, დროზე ადრე გასვლა სასწავლო პროცესიდან, არ ათავისუფლებს მომსახურების მიმღებს ინვოისით განსაზღვრული თანხის გადახდის ვალდებულებისგან.

6.3 სასწავლო ცენტრი სერთიფიკატს გასცემს B1 დონიდან, იმ შემთხვევაში თუ „მომსახურების მიმღები“ წარმატებით ჩააბარებს შესაბამისი დონის ტესტს.

6.4 იმ შემთხვევაში თუ „მომსახურების მიმღები“ ვერ ჩააბარებს შესაბამისი დონის ტესტს, მას აქვს უფლება გადააბაროს ტესტი 7 დღის განმავლობაში.

6.5 თუ მომსახურების მიმღები მეორე ჯერზეც ვერ ჩააბარებს იგივე დონის ტესტს წარმატებით, სასწავლო ცენტრი იტოვებს უფლებას არ გასცეს ცოდნის დამადასტურებელი სერთიფიკატი და არ გადაიყვანოს მომსახურების მიმღები შემდეგ დონეზე.

6.6 სასწავლო ცენტრი ისვენებს ყველა ეროვნულ დღესასწაულზე. რისი მიხედვითაც გაცდენილი გაკვეთილები, სასწავლო ცენტრის მიერ ანაზღაურდება თვის განმავლობაში ზედმეტად ჩატარებული გაკვეთილის ხარჯზე.

6.7 ფორსმაჟორული სიტუაციის დროს (საქართველოს კანონმდებლობით დადგენილი ფორსმაჟორული გარემოებების ფარგლებში), სასწავლო ცენტრი იტოვებს უფლებას ჩაანაცვლოს არსებული პედაგოგი ან/და გადაიყვანოს მომსახურების მიმღები მისი ცოდნისა და ასაკის შესაბამის ჯგუფში, რათა მოახდინოს სრულფასოვანი სერვისის მიწოდება, ბალანსზე არსებული თანხის შესაბამისად.

მუხლი 7: ხელშეკრულების ვადა, შეცვლის და შეწყვეტის წესი

7.1 ხელშეკრულების პირობები შეიძლება შეიცვალოს მხარეთა დამატებითი ორმხრივი წერილობითი შეთანხმების საფუძველზე.

7.2 მომსახურების გამწევი უფლებამოსილია მომსახურების მიმღებს არ გაუწიოს მომსახურება და ცალმხრივად შეწყვიტოს ხელშეკრულება, თუ მომსახურების მიმღების მიერ გადასახდელი დავალიანება გადახდილი არ არის ამავე ხელშეკრულებით გათვალისწინებული 5.2 პუნქტის მიხედვით.

7.3 ნებისმიერი მიზეზის გამო, მომსახურების მიმღების მხრიდან ხელშეკრულების დროზე ადრე შეწყვეტა, მომსახურების მიმღებს არ ათავისუფლებს ინვოისის ჯამური თანხის გადახდისგან.

7.4 ხელშეკრულების ხანგრლივობა განისაზღვრება შერჩეული სასწავლო კურსის ხანგრძლივობის მიხედვით.

7.5 იმ შემთხვევაში, თუ მომსახურების მიმღებს აღარ სურს გააგრძელოს მომსახურების მიღება სასწავლო კურსის შემდეგ დონეზე, ვალდებულია მომსახურების გამწევს წერილობით შეატყობინოს მიმდინარე კურსის დასრულებამდე არაუგვიანეს 1 (ერთი) თვით ადრე.

7.6 ხელშეკრულების დასრულების თარიღი: _____

მუხლი 8: ჯგუფში სამუშაო წესები, კურსის მიზნის წარმატებით მიღწევისთვის

8.1  გაკვეთილი იწყება და სრულდება ზუსტად განსაზღვრულ დროს. არ ვაგვიანებთ;

8.2  ჯგუფის ყველა წევრი პატივს ვცემთ ერთმანეთს;

8.3  ჯგუფში ყველა წევრი თანაბარია, მიუხედავათ მისი სქესის, ასაკისა, რელიგიის და წარმომავლობისა;

8.4  ჩვენ არ განვსჯით, არ განვიკითხავთ, არ ვაკნინებთ ჯგუფის წევრების მოსაზრებას ან/და არგუმენტებს. ჩვენი მიზანია ვისწავლოთ უცხო ენა;

8.5  დავიცვათ საუბრის რეგლამენტი; რიგითობა; მოვუსმინოთ და არ შევაწყვეტინოთ საუბარი ერთმანეთს;

8.6  სასწავლო პროცესში არ განვიხილავთ გაკვეთილის თემატიკის გარეთ, რომელიმე საკითხს. მივყვებით მკაცრად განსაზღვრულ გაკვეთილის ჩარჩოს;

8.7  გაკვეთილზე არ ვსაუბრობთ ქართულად. მხოლოდ განსაკუთრებულ შემთხვევაში, პედაგოგი განმარტავს უცხო სიტყვას ქართულად;

8.8  მხოლოდ განსაკუთრებულ შემთვევებში ვიყენებთ მობილურ ტელეფონს. ვსაუბრობთ აუდიტორიის გარეთ;

8.10  ონლაინ გაკვეთილის დროს გამოიყენეთ მოწესრიგებული კომპიუტერი, მიკროფონი და ვებ კამერა;

8.11  დაიცავით რეგლამენტი და სიჩუმე. აუცილებელია ვებ კამერის ჩართვა.

8.12  აღნიშული წესების დაცვა, სავალდებულო და აუცილებელია ჯგუფის ყველა წევრისთვის. წესები წარმოადგენს ხელშეკრულების განუყოფელ ნაწილს და მათი დარღვევა შეიძლება გახდეს სასწავლო პროცესის შეწყვეტის საფუძველი

მუხლი 9: ბულინგისა და არასათანადო ქცევის აკრძალვა

9.1 მხარეები თანხმდებიან, რომ ჯგუფის ნებისმიერი წევრის მიმართ აგრესიული, შეურაცხმყოფელი, დამამცირებელი ან ბულინგის ნებისმიერი ფორმის ქცევა კატეგორიულად დაუშვებელია.

9.2 ასეთი ქცევის გამოვლენის შემთხვევაში სერვისის მიმწოდებელი უფლებამოსილია, პირველი შემთხვევისას სიტყვიერად (ან/და წერილობით) გააფრთხილოს წესის დამრღვევი მონაწილე; განმეორების შემთხვევაში შეცვალოს ჯგუფი ან სწავლის ფორმატი; ხოლო მესამე და შემდგომი დარღვევის შემთხვევაში სერვისის მიმწოდებელი უფლებამოსილია ცალმხრივად შეწყვიტოს მომსახურების გაწევა მომსახურების მიმღების მიმართ, ანაზღაურების გარეშე.

მუხლი 10: დასკვნითი დებულებები

10.1 ამ ხელშეკრულებაზე ხელისმომწერი მხარეები ადასტურებენ, რომ ხელშეკრულების ყველა პუნქტი და პირობა, გაგებულია მათ მიერ სწორად და ეთანხმებიან მათ.

10.2 წინამდებარე ხელშეკრულება შედგენილია ქართულ ენაზე, ორ ეგზემპლარად ყოველი მხარისათვის ცალ-ცალკე. ორივე ეგზემპლიარს გააჩნია ერთნაირი იურიდიული ძალა.

მუხლი 11: მხარეთა ხელმოწერები

• • • მომსახურების გამწევი: __
    • მომსახურების მიმღები: __